Opnar Noregs første

Bildeserie:

1 av 5

Søndag arrangerer Os Skyttarlag samlagsstemne i feltskyting. Heile 180 skyttarar er påmeldt.

– Det er 50 prosent auke frå i fjor.

– Eg trur det er mange i miljøet som er spente på om osingane klarar å dra i land arrangementet og få det heildigitale anlegget til å fungera som det skal, seier Steinar Eidsvik.

1500 dugnadstimar

Arbeidet med å få dei totalt 12 holda på plass har pågått over lengre tid.

– Berre i vinter har vi lagt ned 1500 dugnadstimer på anlegget.

– No gjenstår berre den siste testinga før våre eigne skyttarar slepp til på laurdag.

– Dei skal nemleg hjelpe til på standplass og med arrangementet søndag, så kvalifiseringa må dei gjera unna på førehand, forklarer Eidsvik.

Ville ha kosta 25 millionar

I reine pengar har skytterlaget lagt ned om lag 2 millionar kroner.

– Hadde vi bygd eit tilsvarande anlegg frå botn av ville det ha kosta rundt 25 millionar kroner.

– Finansieringa har vi fått på plass med oppsparte middel frå landsskytterstemnet i 2002, ein snill onkel, spelemiddel og låneopptak i påvente av utbetaling av spelemidla.

Moglegheit for variasjon

Feltskyting er delt i to typar. Finfelt for rekruttar og klasse 1-3 og grovfelt for seniorar og klasse 4 til 7.

Anlegget på Ulven omfattar 5 hold for finfelt og 7 for grovfelt. Distansen i ein feltskytingkonkurranse kan variera mellom 100 til opp mot 5-600 meter, på Os Skyttarlag sitt anlegg er det lengste holdet på 300 meter.

– Konkurransane i det nye anlegget vil aldri bli like.

– På grovfelten har vi sju hold vi kan variera mellom. I konkurranse skyt ein normalt på 5 av dei.

– I tillegg speler vind og vêr inn, pluss at vi kan variera målskjevene.

– Det nyttar ikkje notera ned kva ein gjer i éin konkurranse, for seinare samanlikning, for her vil det vera variasjonar, smiler Eidsvik lurt.

Lyd, temperatur og trådlaust

Dei heilelektroniske skjevene består av tre mikrofonar og ein temperaturmålar som registerer innslaget til kula. Ei datamaskin reknar ut kor skotet trefte og sender det via fiber til skjermer på standplass slik at skyttaren kan sjå.

– Ein del har vore skeptiske til løysinga vi har vald vidare frå standplass.

– Derifrå til stemnekontoret går nemleg resultata trålaust via basestasjoner vi har sett opp på anlegget.

– Det er heilt nytt og uprøvd, men eg føler meg trygg på at systemet kjem til å fungera, avsluttar Steinar Eidsvik.