Oppussing med humør og harmoni

Einar Nilsson frå «Tid for Hjem» overraska med gitarspeling for fullsett sal hos Fargerike Os.

Kjetil Vasby Bruarøy
Kjetil Vasby Bruarøytorsdag 19. okt. 2017 10:03

Bildeserie:

Så gjekk gjestane frå stasjon til stasjon. (Foto: KVB)
Fullt hus hos Fargerike på kundekveld onsdag. (Foto: KVB)
Einar Nilsson frå Tid for Hjem var hyra inn til foredrag. (Foto: KVB)
Dei 88 gjestane følgde nøye med - mellom latterkulene. (Foto: KVB)
Praktiske råd og fine historiar. (Foto: KVB)
Else Bjørndal sikra seg ein selfie med Einar etter foredraget. (Foto: KVB)
Praktisk verktøy. (Foto: KVB)
Elise Tveit går interiør- og arkitektur-linje og fekk påfyll av kunnskap og inspirasjon. (Foto: KVB)
Osøyro Kolonial diska opp. (Foto: KVB)
Så gjekk gjestane frå stasjon til stasjon. (Foto: KVB)
Fullt hus hos Fargerike på kundekveld onsdag. (Foto: KVB)
1 av 9
Fullt hus hos Fargerike på kundekveld onsdag. (Foto: KVB)
Einar Nilsson frå Tid for Hjem var hyra inn til foredrag. (Foto: KVB)
Dei 88 gjestane følgde nøye med - mellom latterkulene. (Foto: KVB)
Praktiske råd og fine historiar. (Foto: KVB)
Else Bjørndal sikra seg ein selfie med Einar etter foredraget. (Foto: KVB)
Praktisk verktøy. (Foto: KVB)
Elise Tveit går interiør- og arkitektur-linje og fekk påfyll av kunnskap og inspirasjon. (Foto: KVB)
Osøyro Kolonial diska opp. (Foto: KVB)
Så gjekk gjestane frå stasjon til stasjon. (Foto: KVB)

VIDEO: Einar avslutta foredraget med å seia at han skulle henta noko. Så kom han tilbake i ein spraglete dress, med gitar, og sa at han hadde gløymd å nemna at musikk til arbeidet er viktig - før han spelte ei Jan Eggum-vise.

– Det tok litt av med påmeldingar. Vi hadde sett tak på 88, og måtte dessverre seia nei til fleire, seier Børge Solberg frå Fargerike Os (Os Fargehandel AS).

I februar i år hadde butikken nyopning etter omfattande oppgradering, i går kveld markerte dei 65-årsdagen sin med oppgradert kundekveld.

Kundane fekk servert snacks frå Osøyro Kolonial og, før dei gjekk frå stasjon til stasjon der fire ulike leverandørar delte sine tips, foredrag av den morosame og kunnskapsrike tapetseraren Einar Nilsson kjent frå «Tid for Hjem» på TV2.

• Les òg: Til Os med tips - og litt tull

Å jobba saman som par

– Eg har alltid tatt tapetseringa sjølv, men hadde mykje å læra! No skal vi til med eit nytt oppussingsprosjekt, så dette var fantastisk kjekt, seier Else Bjørndal, som saman med ektemannen var blant dei over 80 deltakarane på foredraget.

– I tillegg seier han så mykje fint, og har så smittsamt godt humør. Eg er glad for at det også var nokre yngre tilhøyrarar her. Dei gledde seg sikkert over gode råd, og eg håper dei lærde litt om det å ha godt humør når du jobbar, og å læra seg å samarbeida som par. Det å driva med oppussing kan vera stress, men det å jobba saman som par kan òg vera noko viktig og noko veldig fint, synest Else.

Ein av dei yngre som var på foredraget er Elise Tveit. Ho er frå Os og går på folkehøgskule i Sandefjord.

– Der har eg interiør og arkitektur som linjefag. Eg liker faget veldig godt og lurer på å gå vidare i retning interiørarkitekt. Det er derfor eg er her, og det var veldig interessant, synest Elise.

Betre enn på TV

Einar veksla raskt mellom å gje gode råd og fortelja fine og morosame historiar mens han tapetserte ein vegg som var sett klar til foredragshaldaren.

– Det var eit fantastisk publikum og utruleg gøy å vera her, seier Nilsson.

– Når vi speler inn TV-serien så får vi jo ein viss respons, både oss handverkarar imellom og når vi ser kameramannen står og humrar. Men det er noko eige å få stå framfor eit publikum, å få oppleva responsen direkte. Dette med spørsmål kjem som oftast etterpå, men det at dei ler litt eller at du ser at dei forstår eller kjenner seg igjen når eg fortel ting, er ein form for dialog det òg.

– Kan bli årleg happening

Os Fargehandel blei starta av Haldor Øvredal, far til tannlege Bjarne Øvredal, i 1952. I 1968 byrja dagens hovudaksjonær, Kjell Solberg, å jobba hos Øvredal, og i ’72 overtok han butikken.

Ti år seinare overtok han også Interiøren i Hamnevegen, som andre krefter sto bak, og kjøpte både butikk og bygning. I 1990 blei to butikkar til éin.

Med butikk som blei ny i år, og ganske rund dag, var det på tide å feira saman med kundane, meinte Solberg og medeigar Paal Moberg.

– Vi har ikkje gjort noko liknande før, men er så nøgde med korleis opplegget blei, og responsen frå gjestane, at dette skal vi gjera igjen. Kanskje det kan bli eit årleg arrangement, seier Børge Solberg.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.