Osing rodde for Noreg

I sommar kvalifiserte Team Hordaland seg til Baltic Cup, i helga rodde Amund Bjørnevik mot konkurrentar frå 10 ulike land.

Kjetil Vasby Bruarøymandag 28. sep. 2009 09:23

Baltic Cup er eit rostemne med deltakarar mellom 15 og 17 år, i år med deltakarar frå Norden, Tyskland, Russland og fleire austeuropeiske nasjonar.

Amund Bjørnevik (15) frå Os Roklubb blei i sommar beste norske lag i kvalifiseringa til 2000 og 500 meter firar utan rormann.

- Sidan Noreg var vertsnasjon i helga fekk dei stilla med to lag, så Ålesund blei også med, fortel pappa Simon Bjørnevik.

Ålesund gjorde det skarpast begge dagar, det blei dessverre 5. plass på Team Hordaland både på 2000 meter laurdag og 500 meter under vanskelege forhold på Årungen sundag.

- Det var tøff konkurranse, men uansett kjekt for talenta frå Hordaland å ro med flagg på brystet, fortel Simon.

Amund treng uansett ikkje sjå langt tilbake i tid for å finna førre gode resultat. Han var nemleg med på å sikra NM-sølv til juniorane frå Os i åttar på Voss tidlegare denne månaden.