Overbelasta
Kulda skapte ny rekord i straumforbruk, overbelasting og straumbrot i store delar av Os onsdag morgon.
Onsdag morgon klokka 8.16 gjekk straumen.
- Dette passar veldig dårleg no når det er så kaldt, sa ein innringar frå Søre Neset til Midtsiden.no.
Kulda har også skulda. I natt blei det målt 11,3 minusgradar på vêrstasjonen på Florida i Bergen, det nest lågaste som nokosinne er målt. Rekorden er 11,5 minus i 1987.
Fleire stadar rundt Bergen var det mykje kaldare, Midtsiden.no sin gradestokk viste 14 minus i 8-tida.
- Straumen gjekk i store delar av Os. Årsaka til straumbrotet var overbelasting, men vi fekk heldigvis tatt ei omkopling ganske raskt, så 7-8 minutt seinare var straumen tilbake, seier Øystein Økland frå BKK til Midtsiden.no.
Han hadde ikkje tala hos seg der han sat, men fortel at det i løpet av siste døgn er sett ny rekord i straumforbruk.
- Det er ganske vanleg med ekstra stor belasting på straumnettet i 9-tida, når industrien startar opp, butikkane opnar og folk heime skrur opp varmen og tar seg ein dusj. No ser det ut som om osingane er litt tidlegare i gong med dagen, sidan straumbrotet kom allereie kvart over åtte, seier Økland.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.