På symjetur med alle sju
Bildeserie:
Fredag var det klekking, måndag var heile knoppsvane-familien på Oselvo.
Les òg: Her er årets svanekull!
(Video og dei første bilda av ungane som kom først ut av egga)
– Søndag morgon var nok første symjetur, seier nabo til reiret i Finnebrekka, Kåre Orrebakken.
Paret har fått sju ungar. I reiret ligg framleis eitt egg som ikkje er klekt, ungen på innsida er truleg død.
Men dei andre sju ser friske og raske ut. I dag låg dei å beita med mor og far bak gamle bankbygget.
Mor, som sikkert er svolten etter fleire veker med nesten samanhengande ruging, viste korleis ho henta sjøgras frå botnen, og ungane herma med stjerten i vêret.
Dei har også lært seg å stella fjørene, eller dunet, som dei førebels er kledd i.
VIDEO (01:06): Svanefamilien på symjetur på Oselvo måndag 2. pinsedag. (Foto: Kjetil Vasby Bruarøy)