Tok beslag i lappen til bussjåfør

Fredag i 15.20-tida, mens årets lengste kø til pinseferie og handballcup heldt på å bygga seg opp forbi Moberg mot Skogafjellstunnelen, var det eit trafikkuhell på Halhjem ferjekai.

Ein mann i 70-åra blei påkøyrd av ein buss.

– Den påkøyrde er bevisst og oppegåande, og det blir ikkje sendt ambulanse eller brannvesen til staden, skreiv Vest politidistrikt på Twitter.

I dag oppdaterer lokalt politi med at det ikkje er mistanke om promille, og at det blei tatt beslag i førarkortet til bussjåfør, ein mann i 30-åra.