Kombinert var ein populær øving under OL på Søfteland (foto: Søfteland SFO)

Populært OL på Søfteland

Då snøen kom kasta Søfteland skule om på planane og laga vinter-OL.

image
image
image
image
image
Av: Andris Hamre

Fleire av barneskulane i Os nytta snøen og det relativt fine vêret tysdag til utedag og vinteraktiviteter.

På Søfteland barneskule arrangerte SFOen OL på skuleplassen.

– Vi hadde seks ulike greiner. Det var skøyter, langrenn, utfor, skiskyting, hockey og kombinert, fortel dei vaksen på Søfteland skule sin SFO.

Fiksa startnummer

Som i det riktige OL-et i Pyeongchang stilte ungane til start med full innsats og startnummer.

– Borna blei delt inn i lag og fekk startnummer som vi laga av kvite bossposar med tal på. Dei fekk òg eit farga band på armen som viste kva lag dei var på.

– Det var vill juble då det blei annonsert at vi skulle ha OL, for det var eigentleg planlagt om nokre dagar, men då vêret var på vår side i går, så nytta vi sjansen.

Premie til alle

Innsatsen var upåklageleg, og det blei nok sett ein og anna ny personleg rekord og lokal olympisk rekord under lekane. Premieringa var lik for alle.

– Varm saft og hot dog etter at alle greinene var unnagjort gjorde godt i sultne, slitne og nøgde barn.

Fleire saker