Priskrig på Os

Dei siste dagane har det vore lønsamt å fylla drivstoff på Os. Sundag var prisane låge og i dag, torsdag formiddag, er det nye bunn-noteringar på salsplakatene til bensinstasjonane i sentrum.

Då Midtsiden tok ein runde i halv ti-tida låg prisane frå 12,06 til 12,27 på diesel og 13,06 til 13,27 på bensin.

– Ja det er priskrig, stadfestar Sonja Tveit på Best-stasjonen i Byvegen.

– Eg veit ikkje heilt kven av oss som starta den denne gong, men vi må berre henga med.

– Det er selskapa sentralt som styrer kva pris vi til ei kvar tid skal ta på pumpene, fortel Tveit.

Snart over?

I tillegg til dei oppgjevne prisene kan det vera ytterlegare rabatt å hente om ein har rabattavtale med selskapa.

– Registerer du bankkortet ditt på Statoil Ekstra får du 20 øre ekstra i rabatt både hos oss og Statoil, avsluttar Tveit.

Kor lenge priskrigen vil halda fram er uvisst.

Men ser ein litt på mønsteret i prissettinga på drivstoff hos dei lokale stasjonane har det vore ein tradisjon å setja opp prisane måndag og torsdag formiddag.