Os sitt damelag etter dagens kamp. Vilde Drange Veglo nedst til høgre. (Privat foto)
Os sitt damelag etter dagens kamp. Vilde Drange Veglo nedst til høgre. (Privat foto)

Redda plassen med målkalas

Damelaget til Os er oppe i 20 mål på dei tre siste kampane. Vilde D. Veglo har skåra 8 av dei!

Kjetil Vasby Bruarøy
22. oktober 2017 - 21:27

– Amazing autumn! jublar trenar Rafael Villén etter nok ein storsiger til Os.

Søndag kveld slo dei Bjarg 1-8 på bortebane.

– Som venta etter 4-1-sigeren over topplaget Loddefjord blei det siger, men det blei meir målrikt enn eg hadde trudd.

Charlotte Balland gav Os 0-1-leiing på indirekte frispark inne i 16-meteren til Bjarg. Os leia 3-0 etter eit kvarter. Vertane reduserte i 20. minutt, men dette blei den einaste skåringa dei fekk.

Bjarg - Os 1-8 (1-4)
Målskårarar, Os: Vilde Drange Veglo 3, Amanda Troøen 2, Tuva Søreide Solberg, Malin Moldskred og Charlotte Balland.
Tropp på fotball.no

Vilde med 8 mål på 3 kampar!

Dagens tre mål var andre hattrick på tre kampar av Vilde Drange Veglo. Den talentfulle jenta har trent og spelt med G16 denne sesongen, men tatt eit tak for damelaget i innspurten.

– Eg synest det har vore veldig kjekt! Det har vore fint å spela med gutane, men eg har ikkje hatt nettkjenning tidlegare denne sesongen. Det har voregøy å skåra igjen, i tillegg har eg fått mykje god øving på 1 mot 1-situasjonar.

Villén er strålande nøgd med god hjelp.

– Det har vore fantastisk å ha Vilde Veglo med i desse kampane. Ho er på eit eige nivå!

– Alle innbytarane var i bruk i dag, og alle gjorde det bra. Dette var veldig kjekt for jentene, synest Villén.

Avsluttar på heimebane

Med nye tre poeng er Os 6 poeng over Smørås på nedrykksplass og 4 poeng framfor Tertnes på nest siste plass før siste serierunde.

Sjå tabell på fotball.no

Os avsluttar sesongen mot Årstad på 4. plass heime søndag (kl 13).

– Eg er truleg i Malaga søndag. Motstanden er noko tøffare, men eg trur dei fint kan klara å vinna den siste òg. Dei som kjem for å sjå på får truleg sjå mykje fin fotball, seier Rafael.

Les meir om

Fotball Os dame Sport