Reduserer talet på leilegheiter

Bildeserie:

1 av 4

I oktober handsama Plan- og bygingsutvalet framlegget til ei endring av reguleringsplanen for Solstrandvegen kor utbyggar, Solstrandvegen AS, ville utvida talet på leilegheiter frå 50 til 70.

– Eg føler meg lurt, sa mellom anna Harald Døsen (Ap) den gang.

I november gjekk høringsfristen for endringsforslaget ut og utbyggar lovde i eit lesarinnlegg at argumenta som kom inn i høyringsprosessen ville bli lytta til.

No har ABO Plan og Arkitektur, på vegne av Solstrandsvegen AS, sendt inn reguleringsendringane til 2. gongshandsaming i plan- og bygningsutvalet. Truleg kjem saka opp på utvalet sitt møte 9. juni.

Aukar, men ikkje like mykje

I det reviderte planforslaget har utbyggar gått vekk frå 70 leilegheter totalt, 36 av desse i det første byggetrinnet er i ferd med å bli ferdigstilt no i sommar.

Ein søkjer no om å få godkjent totalt 65 leilegheiter i prosjektet. 29 av desse i byggetrinn to, fordelt på 8 i bygg D og 21 i bygg EF.

Leilegheitene vil variera frå 70 til 140 kvadratmeter.

– Utbyggjar har ønskje om å tilby ein endå større variasjon i tilbod av husvære som kan bli aktuell for ein større del av huskjøparane i marknaden. Dette kan kombinerast med også ei meir variert utbyggingløysing som kan styrkje den arkitektoniske heilskapen, skriv ABO i planomtalen.

Parkering i kjellaren

I den reviderte planen går ein vekk frå dei opprinnelege punkthusa i 3. etasjer til ein meir samanhengande bygningsstruktur som likevel framstår som oppdelt i fire bygg, men med fire etasjar.

Dette gjer at maksimal mønehøgde aukar frå 67,8 og 68,8 meter over havet til 71,5 meter over havet (kote 71,5, journ mrk.)

I tillegg legg ein opp til å flytte delar av parkeringa frå bakkeplan til ein kjellaretasje under den samanhengande bygningen. Ein har òg trekt bygningane nærare Hatvikvegen.

– Dette fører til at det på søraustsida av bygningane blir eit meir egna og meir samanhengane grøntareal for felles leik og opphald.

– Den første bustadetasjen vil også bli betre tilpassa de eksisterande terrenghøgdene og dermed føre til betre lysforhold for husværa på terrengnivå, argumenterar ein i planomtalen.