Rekordmange tar lappen på MC

Oppkøyring for motorsykkel kan gjennomførast frå mai til november.

Statens vegvesen har gjennomført 13.090 oppkøyringar i motorsykkelklassane i år, ein vekst på nesten 3.000 frå 2019.

13.090 oppkøyringar er ny rekord.

– Motorsykkel, eller førarkortklassane A, A1, A2, er tilleggsklassar som vi gler oss til å gjennomfare kvart år.

– Men dei gir oss samtidig nokre ressursutfordringar, seier Terje Bekker i Statens vegvesen.

Lokal vekst

Trenden har vore aukande i fleire år. Det gjeld også lokalt, nær Os. Vegvesenet sin trafikkstasjon i Bergen hadde rekord i 2021, trafikkstasjonen på Stord hadde rekord i år.

– Vi har merka auken, seier Arne Bjoarvik hos Bjoarvik Trafikkskole i Os.

– Heldigvis fekk vi tak i endå ein køyrelærar tidlegare i år, så vi kom opp i 2,5 mc-lærarar.

– MC-lærarar er vanskelege å få tak i, og utan denne utvidinga hadde vi ikkje hatt sjanse til å ta unna alle som ville ta mc-lappen i år.

Bompengar kan gi vidare auke

Bjoarvik trur interessa kan halda fram med å veksa.

– Mange av dei som tar mc-lappen hos oss er ungdom som tar A1 (lett MC). Med opning av ny veg med bompengar, ser vi for oss at fleire vaksne vil ta mc-lappen neste sesong.

Mopedistar (som ikkje har lov å køyra på motorvegen) og motorsyklistar betaler ikkje bompengar.

Les ògDei tre første dagane med ny E39: Sånn var trafikken - og inntektene

Oppkøyringar i Bergen og på Stord

2020
Bergen: 1312, 1112 bestått (85 %)
Stord: 111, 95 bestått (86 %)
Sum: 1.423

2021
Bergen: 1561 (85%)
Stord: 132 (86%)
Sum: 1.693

2022
Bergen: 1476 1197 (81%)
Stord: 174 152 (87%)
Sum: 1.650

Totalt i Norge: 13.090, 82 % bestått.

Bruker kveldar og laurdagar

Terje Bekker i Statens vegvesen trekk fram sensorane sin fleksibilitet og arbeidsinnsats som avgjerande for dei gode oppkøyringsresultata.

– Det har blitt gjennomført oppkøyring på laurdagar og kveldar, fleire sensorar har utsett sin eigen ferie og mange sensorar har reist til andre trafikkstasjoner for å avlasta kollegaer, seier Bekker.

Oppkøyringar på landsbasis dei siste åra:

2022: 13.090
2021: 12.908
2020: 11.804
2019: 10.167