Rev på Byvegen(?)

Kjetil Vasby Bruarøytirsdag 14. juli 2009 07:52

I 18-tida sundag blei det nokre minutt med litt kø i retning Bergen, mellom fotgjengarfeltet sør for Elvebakken og Fløysand Tak sitt bygg ved Byvegen.

- Ein bil sto litt på snei, og eit dyr som må ha vore ein rev, låg i vegen. Folk i bilen framfor meg tok dyret, som såg dødt ut, med seg ut i grøfta, seier ein innringar til midtsiden.no.

Vi har ikkje fått stadfesta kva dyr det var som blei påkjørt, eller om dyret måtte bøta med livet.