Rusa gut bak rattet
Politiet mistenkte ein 17-åring for kjøring i rusa tilstand. Så blei han og kameraten kjørt til sjukehus for behandling av overdose.
Onsdag kveld blei ein gut som ikkje er gamal nok til å kjøra bil stoppa og mistenkt for kjøring i rusa tilstand.
– Patruljen rykte først ut på melding om støy på ei adresse i Kuvågen, fortel operasjonsleiar Ronny Jarle Lentføhr.
Det var ein del bilkjøring på staden og ein av bilførarane viste seg både å vera for ung til å kjøra bil, og naturlegvis utan førarkort.
I tillegg blei han mistenkt for kjøring i rusa tilstand.
Guten viste symptom på overdose og er no innlangt på sjukehus.
Fann GHB
Saman med 17-åringen blei ein mann i 20-åra tatt med til sjukehus for behandling.
– Dei fekk behandling og blei etter at dei var dimittert overført til arresten.
I husværet blei det funne noko politiet trur er GHB.
Også natt til onsdag blei det meldt om bråk på same adresse i Kuvågen. Då fann politiet narkotika.