Rusa rusing, kverulant og høglytt festing

Klokka 23.29 fekk politiet melding om at ein hjort vart påkøyrd av ein bil Hjellemarka. Hjorten sprang vidare til skogs. Viltnemda vart sete i kontakt med bilførar.

Litt før klokka 03.00 fekk ein mann i 20-åra muntleg pålegg om å fjerna seg frå Os sentrum. Då hadde han allereie vore ufin mot andre gjestar og vaktane på utestaden Catten. Politiet har notert at han var ufin og kverulerande før han gjekk heim.

Klokka 05.09 fekk politiet melding høg musikk i Klokkargarden. Politiet rykka ikkje ut, og det heile ser ut til å ha roa seg på eige initiativ.

Tatt med promille

Etter tips frå publikum om ein bil som dreiv med høglytt rusing av motoren, rykka politiet ut til mogleg promillekøyring på Søfteland. Då politiet kom til staden rundt klokka 04.30 fann dei ein bil parkert, men motoren var i gang.

Bilførar, ein mann i 20-åra, blåste til 1,5 i promille på staden. Det vart teke beslag i førarkortet, og mannen vart vidare framstilt for blodprøva på legevakta. Ifølgje loggen til politiet skal det òg ha vorte funne narkotika i bilen.