Ruteknusing og funn av narkotika

Laurdag kveld fekk politiet melding om innbrot i ein einebustad nær Os sentrum.

Ein av dei som bur i huset kom heim til knust rute i inngangspartiet, og det var uvisst om nokon hadde vore inne i bustaden, eller om noko var stole.

– Det viste seg at dette var utført av nokre tenåringar.

– Dei har ikkje vore inne i huset, det er notert som hærverk, fortel Hans-Eirik Thue, operasjonsleiar i Vest politidistrikt.

Tatt med narkotika

Seinare på natta blei ein mann tatt med narkotika.

Etter to kveldar på rad med unge, ruspåverka menn bak rattet, var det denne gong ikkje bilkøyring inne i bildet.

– Det var i 4.30-tida. Stoffet vi fann reknar vi med er marijuana, fortel politiet.