Politi | 24. juni 2021
Rydding og rot ved Knutabruo
Politiet var innom to gongar, seinast i 04.30-tida.
Kjetil Vasby Bruarøytorsdag 24. juni 2021 09:12
Etter dei store bossmengdene som blei funne ved den eine av to gapahukar ved Knutabruo søndag, har politiet patruljert til området oftare.
Dei var innom både 20.30 sankthansaftan og klokka 04.20 natt til torsdag.
– Det var rundt 15 ungdomar der på kvelden. Dei oppførte seg fint og lovde å rydda etter seg, fortel politioverbetjent Anne Lyssand.
På natta var det tomt for folk i området, og spor etter ein innsats med rydding.
– Pantegods var lagt i posar. Men ved grillområdet var det velta både benk og bålpanne.
Også for tre månadar sidan blei ei av bålpannene i området øydelagt. Den blei fiksa på dugnad.