Rykte ut med båt til skadd turgåar

Laurdag formiddag kom det melding om ein turgåar som hadde skadd foten sin.

Kvinna gjekk på tur på Bjørnatrynet saman med andre då ho ramla og skadde seg.

– Vi assisterte helse og rykte ut med Unik-båten. Eg trur ikkje stien er eigna for ATV, og det var enklare å nå staden med båt enn til fots, seier varabrannsjef Arne Monsen.

Brannvesenet disponerer båten Os Rotary fekk sponsa av Unik Filtersystem. Båten ligg ved Halhjem kai og brannvesenet fekk i dag ein kort tur for å hjelpa kvinna.