Såg etter mopedistar

Politiet fekk i går melding om stygg køyring med fleire mopedar i Dahlsvegen.

– Vi var ute med ein patrulje, men møtte ikkje mopedistane, fortel politioverbetjent Audun Hadler-Olsen.

Frå Strøno kom det melding om utanlandske seljarar som gjekk på dørene til folk.

– Då meldinga kom var vi opptatt, så vi fekk ikkje sjekka desse ut. Men vi er glad for tips, ikkje minst i samband med innbrota som har vore i Os og Fana den siste tida.

Politiet har sett ned ei eigen gruppe som jobbar med etterforsking av innbrota.

– Vi fekk sikra nokre spor, men ventar framleis på resultatet av analyse av fingeravtrykk og DNA.