Saknar kano

Politiet har hatt eit relativt roleg siste døgn.

– I går kveld fekk vi melding frå Kongshaug Musikkgymnas om at ein lysegrøn kano var sakna frå området deira.

– Om det er noko der ute som finn den på rek er det fint om dei gjer skulen ei melding, seier politioverbetjent Audun Hadler-Olsen.

Alt ok på trafikkontroll

Lensmannskontoret har om dagen fleire studentar utplassert.

– Dei må få prøva seg i fleire deler av politiyrket.

– Då det var roleg på formiddagen i går hadde vi difor ein trafikkontroll på Byvegen ved Søfteland i retning Os.

– 22 bilar blei kontrollert utan at det var noko spesielt å påpeika.

Kjørte uregistrert bil

Omlag klokka 21.30 stoppa patruljen eit køyretøy med utgåtte prøvekjennemerker i Os sentrum.

– Bilførar erkjente forholdet og kan venta seg eit forelegg.

I tillegg bisto politiet ein uteplass med ein gjest i løpet av kvelden.