Kjell Magne Folgerø Hjelle (t.h) vann heimebryggarkonkurransen. Her saman med Kent Solberg som fekk heiderspris for godt øl, men i feil ølstil. (Foto: Midtsiden.no)

«Secret Notes PBU» sigra i Oseana

Sjå bildeserie frå laurdagens Ølfestival. Oseana tek no ferie og kan sjå tilbake på ei ekstra folksam helg.

image
image
image
image
image
image
image
image
image
image
image
image
image
image
Av: Kjetil Osablod Grønvigh

På laurdag var det på ny tid for Oseana Ølfestival.

Definert som «Probably the smallest beerfestival in the world», men kanskje den einaste med utsikt mot både isbre, fjell, strand og fjord.

500 tok turen

Arrangementssjef ved Osena, Berit Steen, og Markeds- og kommunikasjonsansvarleg, Veronica Søilen Halhjem, anslår at om lag 500 publikummarar besøkte laurdagens festival.

– Dette vart nok vår beste ølfestival sidan oppstarten i 2015. Både med omsyn til rammene som var lagt med lokalet og mingleplass, mattilbod og ikkje minst besøksrekord.

Det gode besøket kan ha òg ha med å gjera at ølfestivalen ikkje lenger skjer samstundes som den tidlegare bryggedansen, seier Steen.

– Vi valde òg å flytta ølfestivalen fram ei veke i år, då gjekk vi ikkje i konkurranse med Osdagane som kjem no neste helg.

Samarbeid og nettverk

Både Steen og Halhjem trekk fram det gode samarbeidet med Bjørnafjorden Bryggeri (BfB) som ein viktig faktor;

– Samarbeidet med, og det netteverket BfB sit på, er av stor betydning for suksessen. Vi vil òg trekkja fram den utruleg gode stemninga blant gjestane og utstillarane på festivalen.

I tillegg til fleire selskap i andre delar av huset heile helga, køyrde Oseana på med open invitasjon til heile bygda om å feira Sankthans i Mobergsvikjo søndagen.

Det vart reinaste folkevandringa, og Steen vil anslå at det på det meste var meir enn 3000 menneske på feiringa.

Siger for PBU

Og vinnaren av årets heimebryggarkonkurranse?

Det vart Kjell Magne Folgerø Hjelle med sin «Secret Notes PBU (Political Bullshit Unified) IPA» / Lekvenvågen IPA.

Fleire saker