Segla opp på muren
Glatte vegar i Os: Ein bil hamna oppå ein mur i Storumsbakken laurdag kveld.
Laurdag i 21-tida fekk Midtsiden melding om bilulykke i Storumsbakken.
På staden var også politiet.
– Ingen blei skadd i utforkjøringa, seier politibetjent Pål Christensen.
Bilen hadde retning Øyane på Lepsøyvegen då den glei ut til høgre, opp på ein mur og segla mot hjørnet på eit hus som ligg rett ved vegen.
Politiet er usikker på om den kvinnelege føraren var åleine i bilen.
Også i fjor vinter hamna ei kvinne oppå denne muren med bilen.
Det har vore fleire utforkjøringar i Os dei siste dagane.
Torsdag kveld kjørte ein bil utfor på Ulvenvegen ved industriområdet nær Irgenskrysset. Fredag kjørte ein bil utfor i Søvikåsen og ein annan bil kjørte utfor i Storumsbakken. Laurdag morgon var det ei utforkjøring mellom Ulvenvatnet og Svegatjørn på E39.
Laurdag ettermiddag og kveld har Midtsiden fått fleire meldingar om svært glatte vegar i Os.