Sesongstart med NM-kamp i dag

Handballdamene til Os har seriestart heime mot Bjarg laurdag om tre veker.

Men sesongen startar i dag - med NM-kamp mot Åsane. Os speler i 3. divisjon, Åsane kom på 2. plass i 2. division i vår, a-poeng med Ålgård, som rykte opp.

– Vi kan ikkje venta å vinna denne, sportsleg blir det spennande å sjå korleis forsvaret har sett seg etter desse første vekene med fellestrening etter ferien - og med dei nye spelarane, seier dagleg leiar i Os Handball, Christian Bugge.

Os har mista 6 spelarar og fått 4 nye. Blant dei nye er heimkomne Anna Bjørke Kallestad, som har solid erfaring frå Rema 1000-ligaen.

– Det har vore noko sjukdom i troppen dei siste dagane, men så vidt eg veit er alle dei nye friske og speleklare. I tillegg har vi nokre 16-åringar som kan få debuten sin i dag, seier Bugge.

– Laget har òg rekt å ha ein treningskamp. Mot Tertnes, som landa på 8. plass i 2. divisjon i vår, blei det tomålstap. Vi såg gode tendensar på fleire område.

Bugge håper på godt publikum og god underhaldning i starten på sesongen.

I dag får vi òg sjå handballgruppa i Os Turn sine plastender igjen.

Les òg1.400 ender i løp på ny bane

– Sjølv om vi hadde god kontroll på endene i elva, var det både ein krevjande dugnad å organisera og eit dårleg signal å «kasta» mykje plast i elva.

– Vi gav oss med dette, men etter at fotballen lånte endene våre til kastekonkurranse, tar vi det vidare på same vis.

I dagens pause kan du leiga deg ei and eller tre, i ei form for loddsal, og kasta frå tribunen.

Den som kjem nærmast blink vinn gåvekort.

Kampstart mot Åsane er klokka 15.

Neste kamp for Os-damene blir trening mot Askøy (4. divisjon) førstkomande onsdag.