Siger etter store endringar

Bildeserie:

1 av 4

Måndag kveld spelte Lysekloster årets første treningskamp mot 4. divisjonslaget Gneist og vant komfortabelt 3-1.

– Det var ein grei kamp.

– Vi startar bra dei første 8-10 minutta før vi fell i innsats og intensitet, fortel trenar Ørjan Sandal.

God 2. omgang

I pausen nyttar Sandal og trenarmakker Tore Nielsen høve til å fortelle spelarane kva dei forventar av dei.

– I andre omgangen er vi betre og spelar ein god omgang.

– Då får vi skrudd opp tempoet og skaper mykje.

Godt å koma i gang

Lysekloster-trenaren legg ikkje så mykje i resultatet.

– No handlar det mest om å komma i gang.

– VI har mange nye spelarar og spelarar som er på veg tilbake etter skade, så det handlar om å få spelt oss saman.

– I dag var det fire nye, to som var tilbake frå skade og tre som spelte på nye posisjonar.

– I tillegg hadde vi sju mann ute med influensaen som slo innover oss i helga.

– Eg er nøgd med kampen. Guttane responderte bra på det vi i trenarteamet ønska, oppsummerer Sandal.

Uvant underlag

Lysekloster trener stort sett inne i Vestlandshallen og det var nok eit noko uvant underlag i tåkeregnet på Edne måndag kveld.

– Det prega nok spelet litt, avsluttar Sandal.

Målscorarar for Lysekloster var Sindre Flaa, Alexander Dang og Johannes Jordal.

Desse spelte for Lysekloster (4-3-3): Chris Sunde Midttun, Baste Jonassen, Knut Eriksen Eide, Preben Skorpen, Daniel Kalstad, Aleksander Andersen, Johannes Jordal, Sindre Flaa, Thomas Helland, Alexander Dang, Lars Henrik Skage.

Øystein Takle Eide, Tommy Gaustad og Jan Even Frøyseth kom inn for Andersen, Helland og Skage i 2. omgangen.

Neste treningskamp er allereie førstkommande torsdag heime mot Lyngbø.