Siger i generalprøven

Etter 3-2-tap for Sandviken onsdag spelte Os i dag siste trening før første NM-runde borte mot Bjarg.

– Det var ei grei gjennomkøyring, der vi fekk til mykje av det vi øver på, og i periodar fekk spelet til å sitja, seier Os-trenar Endre Brenne.

– Men Bjarg skapte litt, særleg i andre omgang blei vi spelt litt låge. Vi ønskte å styra noko meir av kampen enn det vi gjorde.

Bjarg - Os 1-2 (0-1)
Målskårarar, Os: Roger Ekeland og Kristian Halvorsen

Os leiar 2-0 etter to straffar. Så fekk Bjarg straffe, og reduserte.

– Roger var gjennom åleine med keeper etter fem minutt, og blei felt. Hadde det vore seriekamp ville vi nok fått straffe og spelt resten 11 mot 10, trur Brenne.

Men første straffe var det Niklas Lunde Fosen som skaffa, då han kom seg forbi forsvaret. Roger, som med 15 skåringar var Os sin toppskårar i 2019, sette ballen i nota.

Den andre straffen kom då Thomas Spilde på dødball blei felt. Den var det Kristian Halvorsen, somskåra mot både Fana og Sandviken, som sette inn.

Os speler første runde i NM søndag om ei veke, heime mot Øygarden med kampstart klokka 18.