1. runde i NM: Lysekloster og Os sine motstandarar

Det blir repetisjon frå 2016 og 2017 for dei to lokale laga i Norsk Tipping-ligaen.

Martin Eidsvik i duell med Vegard Leikvoll Moberg i 2016, Anders Havsgård bryner seg på Rune Mo i 2017. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 08. juli 2021 12:24

Før serien i Norsk Tipping-ligaen startar første helga i august skal både Lysekloster og Os spela første runde i NM.

Lysekloster var direktekvalifisert etter 2019-sesongen, men då denne blei pandemiavlyst, og årets cup er utan kvalifiseringskampar, opna det for direktekvalifisering for fleire lag. Også Os og nyopprykka Bjarg.

Motstandar og tidspunkt (oppdatert 9/7):

  • Søndag 25. juli kl 16.00: Lysekloster - Åsane
  • Søndag 25. juli kl 18.00: Os - Øygarden

Åsane ligg i skrivande stund (etter 10 rundar) på 8. plass av 16 lag i OBOS-ligaen.

Øygarden har tatt 7 poeng på 5 kampar og ligg på 6. plass av 14 lag i PostNord avdeling 2 (av 2).

Kan dei sjokkera Åsane igjen?

Lysekloster tok imot Åsane i andre NM-runde i 2016. Då starta Åsane med blant andre kaptein Vegard Leikvoll Moberg på benken, og fekk så hatten passa. Vertane leia 3-0 før Åsane vakna og vann 3-5.

– Det blir nok tøft å kopiera denne. Åsane har spelt 60 kampar mens vi har lagt i koronadvale kampmessig, seier Lysekloster-trenar Ruben Hetlevik.

– Serien er høgast prioritet, dette er god trening før seriestart. Men vi vil naturlegvis stå på for å ta oss til andre runde, det ville vore ein fin bonus.

Ønskjer å skapa spenning etter gamalt

Det er 17 år sidan Os rysta Vålerenga to gongar i NM, framfor 4.000 på tribunen på Kuventræ.

– Vi har dessverre ikkje klart å gjera det spennande verken mot Brann, Åsane eller Nest-Sotra dei siste åra. Det er målet i år, dette skal bli ein kjekk kamp å sjå, seier Os-trenar Endre Brenne.

– Øygarden er eit godt 2. divisjonslag, men har eit tøft program med seriekamp både torsdagen før og onsdagen etter møtet med oss. Har vi ein god dag er det ikkje umogleg at vi tar oss vidare heller, legg han til.

Nyopprykka Bjarg tar imot Brann, Fana speler heimemot Sotra.

Her er NM-oppgjera på Vestlandet:

Sola – Madla
Staal Jørpeland – Viking
Brodd – Sandnes Ulf
Vidar – Egersund
Hinna – Bryne
Vardeneset – Djerv 1919
Åkra – Vard Haugesund
Stord – Haugesund
Sandviken – Fyllingsdalen
Fana – Sotra
Os – Øygarden
Lysekloster – Åsane
Bjarg – Brann
Fjøra – Sogndal
Årdal – Florø
Spjelkavik – Molde
Sunndal – Brattvåg
Herd – Hødd
Træff – Aalesund
Volda – Kristiansund

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.