Siw, her under Bjørnafjordenmåltidet i haust. (Foto: KVB)
Siw, her under Bjørnafjordenmåltidet i haust. (Foto: KVB)

Siw Raw på God Morgen Norge måndag

– Eg fekk sug i magen då dei ringte, fortel den råvarebevisste kokken frå Os.

Kjetil Vasby Bruarøy
08. mars 2020 - 12:25

Siw Bugge Gjerdevik Kolstad er utdanna innan ernæring, og seinare som kokk. Ho jobbar som lærar i faget mat og helse ved Nore Neset ungdomsskule.

I tillegg driv ho cateringfirma med hovudfokus på raw food-kaker fri for gluten, baker fast til restauranten Havnechefen sin dessertdisk, held foredrag, og er blant kokkane under Det Store Bjørnafjordenmåltidet.

Måndag morgon tar ho Bjørnafjorden Matkultur ut i landet - på God Morgen Norge på TV2.

TV-debut

– Dei ringte meg i desember, og sa dei hadde sett Instagram-profilen min, og ville ha meg med i programmet, fortel Siw.

– Eg har aldri vore på TV før, anna enn Midtsiden-TV. Eg fekk sug i magen, og ba om å få tenkja på det til over jul.

Gode råvarer: Siw sin rett under Bjørnafjorden-måltidet. (Foto: KVB)
Gode råvarer: Siw sin rett under Bjørnafjorden-måltidet. (Foto: KVB)

Ho sel stadig fleire dessertar og har ventelister på fermenterte produkt. Å baka for «heile Bergen» har ho ikkje kapasitet til.

– Eg bestemte meg likevel for å takka ja. Det er jo ei positiv merksemd å få, og eg trur det vil bli kjekt å formidla bodskapen om gode råvarer og sunn mat til fleire enn dei eg møter lokalt i Bjørnafjorden.

Skal halda kurs for hotellkokkar

Siw er uansett med på å spreia kunnskapen og bodskapen utanfor kommunegrensene, nyleg blei ho invitert til å kursa kokkane ved eit hotell i Bergen.

– Det er kjekt at stadig fleire viser interesse for denne typen mat, seier Siw.

God Morgen Norge startar klokka 06.55 om morgonen, og går i reprise klokka 10.

 

Les meir om

Kultur Mat Osingar på TV