(Ill. foto: Kjetil Vasby Bruarøy)
(Ill. foto: Kjetil Vasby Bruarøy)

Sjekka hyttefelt tomt for hyttefolk

Tok ein forebyggande runde etter melding om lusking.

Kjetil Vasby Bruarøy
23. mars 2020 - 10:15

Søndag morgon fekk politiet melding frå ein hytteeigar som ville sjekka eigedomen sin på Balandsneset utanfor Drange.

– Han hadde fått tips om folk som gjekk og luska rundt hytta hans laurdag kveld, og ville opp for å sjekka forholda, fortel politioverbetjent Anne Lyssand.

Alarmen var ikkje løyst ut, og det var ikkje teikn til innbrot. Hytteeigar vil sjekka opptak frå kameraovervaking, og melda ifrå om han ser personar på opptaket.

I samband med at hytteeigarar blir oppmoda å halda seg heime, tok politiet samtidig ein runde i hyttefeltet for «ein forebyggande prat» med dei som eventuelt var på hytta. Dei skal ikkje ha funne nokon å snakka med.

Rykte ut på melding om trugslar

Søndag i 14.30-tida rykte politiet ut til eit nabolag sør for Os sentrum.

Politiet vil ikkje seia noko anna om episoden enn at det løyste seg utan dramatikk, og at ingen blei skadd.

Les meir om

Lokal Politi