Sjekka utlendingar i Os

Onsdag var utlendingseksjonen i Bergen i aksjon i Os.

– Saman med oss frå Os lensmannskontor blei det gjennomført kontroll av dokument til personar, både på private adresser og ved fleire serveringsstadar, seier politibetjent Thomas Juulseth.

– Full rapport er ikkje klar, men aksjonen ser ikkje ut til å ha avdekka nokre straffbare forhold.

Påkjørt rev

Klokka 20.40 onsdag kveld fekk politiet melding om påkjørt rev på Ulvenvegen ved Kloppamyra næringsområde.

– Reven overlevde og sprang til skogs. Viltkontakten fekk melding om saka og følgjer opp.

Sjekka dokument i Hjellemarka

Onsdag kveld hadde politiet også ein trafikkontroll på E39 i Hjellemarka på Søfteland.

32 bilar blei kontrollert, alle hadde dokumenta i orden og ingen blei tatt for ulovleg bruk av mobil.

Også UP hadde kontroll i Os i går, på vekta på Halhjemsvegen frå klokka 14.15. Her har vi førebels ikkje fått fangstrapport.