Merete Blindheim, Anna Lisa Lekven og Marianne Evensen Østrem syng med Texmanians to kveldar i slutten av oktober.
Merete Blindheim, Anna Lisa Lekven og Marianne Evensen Østrem syng med Texmanians to kveldar i slutten av oktober.

Skjenking etter midnatt: Trappar opp liveprogrammet

Texmanians syng på Elvehuset med vokalistar frå Os.

Kjetil Osablod Grønvigh
17. oktober 2020 - 13:58

Tysdag 13. oktober var det opna for skjenking etter midnatt igjen, noko som i praksis kan bety eit løft for utelivsstadane frå denne helga.

Elvehuset (tidlegare Baronessen, no med restaurant i første etasje) har til ein viss grad halde scenen i drift trass stengte kranar frå midnatt dei siste to månadane.

Same helga som puben og restauranten opna i første etasje, spelte «Sirküset» til Richard Myhre Gåssand i andre høgda. 

• Les òg: Ein røff 80-talskveld på Baronessen

I helga som var spelte trubadur Frode Holmefjord for gjestane.

At dei no kan skjenka til 2 om natta betrar naturlegvis sjansen for gode publikumstal.

Bergensband med kirsebær frå Os

Om to veker får Elvehuset besøk av Texmanians. Bandet kjem frå Bergen og speler Electric blues, influert av 70- tals blues og rock.

Bandet består av Svein Heimvik (gitar, vokal), Helge Smith Rønning (gitar), Geir Aimar Rognø (bass), Zsolt Meszaros (slagverk) .

Bandet slapp nyleg ei ny plate. 

– Med seg på scenen har de Black Cherries fra Os, beståande av Merete Blindheim, Anna Lisa Lekven og Marianne Evensen Østrem.

Texmanians vil spela både fredagen og laurdagen den siste helga i oktober.

Poesi og nattmat 

Den nedste etasjen har i år blitt innreidd som pub og restaurant. Puben opna i slutten av juli, som avlasting for den etablerte livepuben i andre etasje.

For å understreka starten på ein ny epoke, endra serveringsstaden namn frå Baronessen til Elvehuset.

• Les òg: Fekk testa ny restaurant

– Då var intensjonen òg å byrja å selja nattmat, kjem dette no i gang?

– Ja, vi startar med det i kveld. Det blir enklte rettar som kokkane lager klar før dei går heim, som suppe og bakt potet. Vi ser for oss servering fram til rundt 01.30 i natt.

Jostein fortel at fleire band har meldt seg til teneste utover hausten, og at programmet no skal fyllast opp fram mot jul.

– I 2019 kunne vi notera oss om lag 40 ulike konsertar på Baronessen, så det er klart at vi vil halda fram med fokuset på musikk.

Men det er ikkje berre musikk som står på planane til Elvehuset, legg Eck til;

– I dag blir det «Poesilunsj» med Bente Bratlund og neste veke kjem Lervig Bryggeri for å presentera nye øl for dei øl-interesserte i bygda, avsluttar Eck.