Skreiv ut ni forelegg i 80-sona

Laurdag kveld hadde utrykningspolittiet fartskontroll i 80-sona på E39 Halhjemsvegen.

Frå klokka 21.30 til midnatt skreiv dei ut ni forelegg.

Høgaste fart var 102 km/t, noko som fører til 9.100 kroner i forelegg og tre prikkar på førarkortet.

– Det er også ein trafikant som er meldt, då vedkomande nekta å godta forelegget, opplyser vakthavande ved Bjørnafjorden politistasjon.

I samband med at brannvesenet i går var i Nordstrøno for å sløkka eit større bål i terreng, har politiet oppretta sak.