Bjørnafjorden kommune | 12. aug. 2022

Skulerutene for grunnskule og vgs

Sein haustferie og fri i fire dagar etter 17. mai.

Bakgard på Borgafjellet barneskule, som opna til skulestart i fjor. (Foto: Ørjan Håland)
Kjetil Vasby Bruarøy
Kjetil Vasby Bruarøyfredag 12. aug. 2022 07:19

Over helga er det skulestart i både grunnskulen og vidaregåande.

Denne veka har det vore to planleggingsdagar i grunnskulen, torsdag og i dag, det same gjeld måndag - og då er også SFO stengt.

Skulestart*
Måndag 15. august: Os gymnas
Måndag 15. og tysdag 16. august: Os vgs (ulik start per klasse/fag)
Tysdag 16. august: Grunnskulane (1. til 10. trinn)

* Opplysingane er henta frå skulerutene. Kvar skule, og ulike trinn, kan ha gjort sine tilpassingar. Les informasjon frå din skule for å veta kor tid du skal møta.

Etter skulestart er det berre éin fridag utanom haustferien i veke 41.

Her er nokre datoar å merka seg før jul:

  • Fredag 7. oktober: Siste skuledag før haustferien (gjeld grunnskule, vgs og gymnas)
  • Måndag 17. oktober: Første skuledag etter haustferien (gjeld grunnskule, vgs og gymnas)
  • Fredag 4. november: Planleggingsdag, elevane har fri (gjeld grunnskule, vgs og gymnas)
  • Tysdag 20. desember: Siste skuledag før juleferien (gjeld grunnskule, vgs og gymnas)
  • Første skuledag i 2023: Tysdag 3. januar for grunnskule og vgs, onsdag 4. januar for gymnaset

På nyåret er vinterferie og påskeferie einaste fri i grunnskulen før mai, mens vgs og gymnaset har planleggingsdag og fri fredag 27. januar.

Vinterferien er i veke 9, frå måndag 27. februar til fredag 3. mars.

Påskeferien er den første veka i april, med fredag 31. mars som siste skuledag før ferien og tysdag 11. april som første skuledag etter.

Langfri rundt 17. mai

Mens årets mai blei med færre fridagar, då 1. mai var ein søndag, ser mai 2023 avslappande ut.

Ikkje berre blir det ei langhelg med 1. mai på ein måndag, 17. mai blir etterfølgd av heile fire fridagar.

17. mai er ein onsdag, kristi himmelfartsdag er torsdag 18. mai og fredag 19. mai er det lagt inn ein utviklingsdag/planleggingsdag.

Veka etter blir vanleg, men så kjem nok ei langhelg, då måndag 29. mai er andre pinsedag.

Dette er planlagt siste skuledag før sommarferien 2023:
Grunnskulen: Tysdag 20. juni
Os gymnas: Tysdag 20. juni
Os vgs: Onsdag 21. juni

Vi kjem tilbake med eiga sak om elevtal på ulike trinn i grunnskulen.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.