Kultur | 24. juni 2011

Skytsengelen på plass

Fredag ettermiddag fekk Oseana sin skytsengel då Boutros Romhein overleverte bestillingsverket.

Andris Hamrefredag 24. juni 2011 14:55

Ein av deltakarane på Os Internasjonale skulptursymposium hadde ei ekstra grunn til å gle seg til årets symposium. Boutros Romhein, opprinneleg frå Syria, busett i Italia, hadde nemlig fått i oppgåve å laga ein bestillingsskulptur til Oseana.

- Eg gjorde grovarbeidet heime i Italia, før eg fekk frakta det halvferdige produktet opp her, fortel Romhein.

Dei siste dagane har han stått utanfor Oseana for å legge siste hand på verket og gjera den siste finpussen.

Ein engel på 70 kg

Fredag var statuen som han har kalla "Angelo de Oseana" - Oseanaengelen - ferdig og klar for å bli frakta inn på plassen sin i vindauget over trappa ned til restaurant Færingen. Med god hjelp frå symposiets far Arne Mæland fekk dei løfta den 70 kg store engelen over rekkverket og på plass.

- Sjå kor lyset speglar seg i den, strålar Mæland etter at engelen har kome på plass i vindauget.

Os Internationale skulptursymposium samlar 12 kunstnarar frå 6 land frå heile verda. Måndag starter dei arbeidet sitt i Vognhallen.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.