Slik blir Lepsøykrysset

Bildeserie:

1 av 6

Statens vegvesen starta i februar opp arbeidet med å utarbeida ein ny reguleringsplan for Lepsøykrysset med sikte på å gjera krysset tryggare både for bilistar og mjuke trafikantar.

Førre veke sendte vegvesenet over framlegg til reguleringsplan for handsaming i Os kommune og utlegging til offentleg ettersyn. Saka kjem truleg opp på eit av dei første møta i plan- og bygningsutvalet.

Fortau og betre undergang

Då oppstarten blei kunngjort i februar fekk vegvesenet inn seks innspel frå offentlege og private. Desse er i stor grad følgd opp i planen. I planen er det lagt opp til fortau langs sørsida av Lepsøyvegen frå Solbakken-krysset, under undergangen til Nilsavegen.

– Det er lagt opp til ny og utbetra undergang under E-39 med same standard som Lekvenvegen (to smale køyrefelt og fortau), skriv sakshandsamar i planframlegget.

To-planskryss for dyrt

I Os kommunen sin arealplan er det skissert eit to-planskryss lengre sør enn dagens Lepsøykryss.

– Toplanskryss nærare Halhjem ferjekai er ei omfattande og kostbar løysing som ikkje er aktuelt å realisera på kort sikt, heiter det i planomtalen.

I staden vil vegvesenet etablere separate avkøyringsfelt frå E-39 får både nord og sør. Dette vil truleg gje eit betre trafikkbilete og ei smidigare av og påkøyring på Halhjemsvegen.

Statens vegvesen håpar på å få midlar til utbetringane allereie i 2014.