Smitte på legekontor

Torsdag var det eit nytt smittetilfelle då ein fullvaksinert tilsett ved Luranetunet testa positivt for covid-19, i dag har vi fått tips om smitte på eit legekontor.

– Det kjem informasjon etter klokka 12, svarer kommunikasjonsrådgjevar Ragnhild Stende Bjaadal.

Men rett før 11.30 blir detstadfesta.

– Ein fullvaksinert tilsett ved eit legekontor har i dag fått påvist covid-19.

Alle pasientar som har vore innom i tidsrommet den tilsette kan ha vore smitteførande, blir kontakta av legekontoret.

– Den smitta er fullvaksinert. Legekontoret held stengt i dag, fredag, og opnar att på måndag.

Kontoret har, etter det Midtsiden kjenner til, over ti tilsette.