E39 Svegatjørn-Rådal | 01. sep. 2022

Snart kjem dei nye bussrutene for ny og gamal E39

Vil koma med alle detaljane i neste veke.

Endelausmarka fotografert frå lufta i juni 2021. (Foto: Statens vegvesen/Hawkeye AS)
Kjetil Vasby Bruarøy
Kjetil Vasby Bruarøytorsdag 01. sep. 2022 15:36

Med ny trasé Svegatjørn-Rådal får busette i Bjørnafjorden eit raskare og betre busstilbod til Bergen.

Linja vil møta Bybanen på stoppet ved Lagunen og opna for langt betre og meir effektive kollektivreiser både med bybanen og buss til tunge arbeidsplassområde, som til dømes Sandsli, Kokstad og Bergen lufthamn.

– Den nye stamlinja frå Bjørnafjorden til Bergen vil følgja E39, men samstundes er det behov for å oppretthalda eit godt tilbod på strekninga Os-Søfteland-Valla-Nesttun, sa fylkesordførar Jon Askeland i fjor sommar.

Kommunane Bergen og Bjørnafjorden var blant dei som kom med innspel.

Alle detaljar kjem måndag

Endeleg svar er snart klart.

– Vi legg opp til å offentleggjera alle detaljar om det nye kollektivtilbodet mellom Bergen og Bjørnafjorden på skyss.no måndag 5. september, fortel Ingrid Dreyer, pressekontakt hos Skyss, til Midtsiden.

Det har ikkje lykkast å få yttarlegare kommentar, men samtidig er det heller ikkje lenge til vi veit meir om rutene og frekvensane som skal gjelda etter at ny E39 fredag 21. oktober har opna.


Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.