Søkjer kandidatar til eldsjel-pris
Amfelia og Oskar-prisen på 10.000 kroner skal delast ut laurdag 22. juni.
Maskotane til Amfi-kjeda, Amfelia og Oskar, skal dela ut årets pris i løpet av Barnas Dager på senteret helga 20.-22. juni
– Prisen går til ein organisasjon som er med på å skapa gode opplevingar for barn og unge, fortel senterleiar Siri Ann Myhren Dalseide.
– Gode fritidstilbod for barn gir dei ein aktiv og trygg kvardag, og det er mange eldsjeler som er i sving for å skapa desse tilboda. Desse eldsjelene ønskjer vi i Amfi å setja i sentrum når vi deler ut Amfelia og Oskar-prisen til nokon som gir barn og unge i lokalmiljøet gode fritidstilbod.
Under Barnas Dager på senteret 20.-22. juni er Amfelia og Oskar deltakarar, og dei har fått prisen oppkalla etter seg. Prisen blei delt ut for første gong i fjor, då var det Lysekloster Rideklubb som fekk prisen.
– I desse dagar og fram til 10. juni samlar vi inn nominasjonar til prisen frå publikum, så her har alle høve til å foreslå sine beste kandidatar. Ein jury vil velja fem verdige kandidatar blant dei nominerte, før det blir opna for avstemming blant publikum.
Nominasjon går føre seg gjennom senteret si Facebook-side. I avstemmingsperioden er det mogleg å stemma via Facebook og på stand på senteret.
– Kandidatane kan vere tilbod som korps, idrett, fritidsklubb eller noko heilt anna; eldsjelene finst på alle arenaer! seier Siri Ann.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.