Fritid | 06. juli 2022

Sommar i BUA: Har bestilt fleire SUP-brett

Kultursjefen er sjølv på vakt for å låna ut telt, frisbee-golf og vannsportutstyr.

Erik Vangsnes og Øyvind Gjerde på vakt i BUA tysdag ettermiddag. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 06. juli 2022 07:41

Fotballskular, rideskule, friluftsskular og golfskule er blant aktivitetane frivillige lager byr på gjennom sommarferien.

– Frå kommunen si side så har Fusa Frivilligsentral også to veker med ferieklubb for ungar, og så har vi prioritert å halda biblioteka på begge sidene av fjorden opne gjennom heile sommaren, seier kultursjef Erik Vangsnes.

Hovudbiblioteket i Os Næringspark er ope fem dagar i veka, biblioteket i Eikelandsosen er ope tre dagar.

– Også BUA er open gjennom ferien. Det tenker vi er viktig, mykje av utstyret er også retta mot ferie og sommar.

Frisbee-golf kan lånast, om du vil utfordra kameratar eller familiemedlemmar i eit spel som passar både ung og vaksen. (Foto: KVB)

For å få kabalen til å gå opp, har også kultursjefen skrive seg opp på fleire vakter. I går heldt han BUA i Os Nærinsgpark open saman med kollega Øyvind Gjerde.

– Det er veldig kjekt å stå i BUA, folk er så takksame og nøgde. Her kjem familiar som vil sova i det fri ei natt eller tre, og venegjengar som vil spela frisbeegolf på ein plen eller i eit friluftsområde.

Tilpassa behov og ønske

BUA er open kvar tysdag og torsdag ettermiddag. Der kan du, som på biblioteket, låna kva du vil heilt gratis.

I utgangspunktet er det utlån kvar torsdag og innelevering tysdag.

– Då kan låna og levera inn begge desse dagane. Utstyr som vi har mykje av, kan du også låna litt lengre enn mellom desse dagane, mens anna utstyr er det meir rift om.

Populært å padla ståande

BUA byr på alt frå telt, soverposar, henkekøyar og fiskeutstyr til skateboard, vannski, wakeboard og kneeboard.

– Nokre kjem for å prøva noko nytt, andre vil testa utstyr før dei eventuelt kjøper sjølv, eller ser verdien av å heller låna noko dei gjerne elles ville brukt berre nokre få dagar i året.

– SUP (stand up paddle) har verkeleg vore ein slager. Vi har fem brett, og dei er ute heile tida, så vi har bestilt inn fleire. Dei er venta å koma i løpet av sommaren.

Les ògBua Bjørnafjorden opna i dag

Nyleg kom også ein liten haug med BMW-syklar inn dørene. Når desse er klare og inne i systemet, kjem dei òg for utlån.

Kommunen har også engasjert ein ny prosjektleiar til BUA, Mari Lyssand byrjar i jobben over ferien.

Har samla tilboda i eigen brosjyre

I desse dagar blei også ein ny brosjyre ferdig og utplassert ulike stadar i kommunen.

Over 48 sider (dei siste 13 med annonsar) har kommunen samla bilde og informasjon om både kulturarv, kulturhus, bibliotek, BUA og ulike tenester knytt til aktivitet for ung, vaksen og gamal.

Bildeserie:

1 av 2

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.