– Sommaren kom litt fort

Det er ikkje berre goder med det knallvêret vi har hatt den siste veka. Mange vil nyte dei fine dagane i friluftsområda, som Mobergsvikjo og Ervikane.

Måndag morgon flaut det med boss rundt stativa i Mobergsvikjo. Fuglane har forskynt seg av matrestane og trekt plastposar og anna utover.

– Ja, vi er kjenner problemstillinga.

– Det er litt liten kapasitet på dei spanna som står der no.

– Problemet vårt er at vi ikkje hadde planlagt at sommaren skulle komma så fort, seier Åge Landro i Bergen og Omland Friluftsråd.

Løysinga kjem

Landro er glad for at folk nytter friluftsområda, men innrømmer samstudes at det har skapt ei ekstra utfordring.

– Finvêret kom ein månad tidlegare enn vi rekna med.

– Difor er ikkje løysinga på plass enno, men den kjem, forsikrar Landro.

Fram til friluftsrådet får på plass den nye løysinga får vi berre oppfordre folk til å ta med seg bosset heim og kasta det der.