Søndagsbråk i Os sentrum

Søndag kveld fekk politiet melding om bråk mellom to personar på ein utestad.

Seinare på kvelden kom det melding om at ein person gjekk og hamra på ei eller fleire dører på Øyro.

– Bråket på utestaden skal ikkje ha eskalert, det var heller ingen patrulje ute på meldinga, seier politioverbetjent Atle Birkeland.

– Det er mogleg at dei to meldingane har samanheng, men det veit vi førebels ikkje.

Politiet fortel om ei elles roleg helg i Os, men på dagtid laurdag blei det livleg.

– Politiets Dag blei ein suksess! Vi hadde mange folk innom standen vår, og det var veldig kjekt for oss å treffa innbyggarane på denne måten.