Spelte i 70 minutt, vann 7-0
Dagens treningskamp mellom Lysekloster og Gneist blei noko amputert.
Bildeserie:
Søndag spelte Lysekloster sin nest siste treningskamp før seriestart på bortebane mot Haugesund 2 måndag 17. april.
Gjestane var Gneist, som i fjor rykte ned til 4. divisjon.
Lysekloster leia 2-0 etter 4 minutt og 3-0 då ein hodeduell førte til skade og tilkalling av ambulanse.
– Det var ein Gneist-spelar som blei skadd. Eg har inntrykk av at han blei truffen i kjeven, men eg veit ikkje korleis det gjekk med han, seier Lysekloster-trenar Ruben Hetlevik.
Det blei 20 minutt opphald i kampen. Det blei ikkje lagt til i speletida, dermed var det berre fire-fem minutt til pause då kampen endeleg blei blåst i gang igjen.
Lysekloster - Gneist 7-0 (3-0)
Målskårarar, Lysekloster: Håkon Moldekleiv 2, Thomas Helland 2, Tommy Gaustad, Kristoffer Østervold og Martin Pedersen.
Lysekloster (5-2-3): Frode Moberg Øvredal - Ken Joar Føyen, Denis Ljubovic, Marius Sivertsen, Kapinga Brazy, Sigve Rørstad - Joakim Helland, Vladan Radojkic - Håkon Moldekleiv, Tommy Gaustad og Ole Thomas Herrem.
Innbytarar med speletid (alle fekk rundt 30 minutt kvar): Thorvald Trætteberg, Espen Birkeland, Martin Pedersen, Thomas Helland og Kristoffer Østervold.
Håkon Moldekleiv skåra på éin straffe og missa på ein annan.
– Vi hadde full kontroll på Gneist, men det var i grunnen ein litt dårleg kamp av oss.
– Eg er nøgd med at vi held nullen og at vi både skaper sjansar og skårer mål, men vi kom ikkje inn i rytmen i dag, seier Hetlevik.
Lysekloster har no skåra 20 mål på tre kampar, trass ein noko kort kamp i dag.
Hetlevik hadde alt mannskap tilgjengeleg før dagens kamp, som var den siste før generalprøven mot Brann 2 heime neste søndag.
• Midtsiden samleside: Lysekloster Fotball