Spelte kvar sine treningskampar i kveld

Laurdag vann Os 3-0 heime over Gneist i første treningskamp sidan 12. mars 2020.

I dag spelte både Os og Lysekloster treningskampar på kvar sine heimebanar.

Lysekloster tok imot Lyngbø, som kom på 3. plass i Os 2 si 4. divisjonsavdeling i 2019.

Lysekloster leia 3-0 til pause og vann 4-1 etter 2 x 35 minutt.

Os tok imot Fana, som dei slo i treningskamp vinteren 2020, men tapte for i to rundar og landa seks plassar bak på tabellen i 2019 (Fana på 5. plass og Os på 11. plass).

Fana tok leiinga i 40. og siste speleminutt av første omgang.

Os utlikna, men Fana sikra sigeren med 1-2-skåring cirka 5 minutt før full tid.

Vi kjem tilbake med lagoppstilling, bildeseriar og kommentarar etter dei to kampane.

Seriestart er 7. august.

Det blir spelt enkel serie i haust, altså 13 kampar på kvart lag. Os startar med heimekamp, Lysekloster med bortekamp.