Stakk av etter utforkjøring
Politiet jakta tysdag kveld etter ein bil som kjørte i autovernet ved Svegatjørn. (OPPDATERT)
Tysdag klokka 22.27 fekk politiet melding om bulka autovern langs E39 ved Svegatjørn.
– Då var både førar og bil vekke, fortel operasjonsleiar Frode Kolltveit i Hordaland politidistrikt.
Ein patrulje blei sendt ut, men mistenkte blei ikkje funne med det same.
– Bilen er funnen og vi er i kontakt med førar, opplyser Kolltveit klokka 00.26.
Det er førebels for tidleg å seia om nokon er skadd eller om vedkomande blir mistenkt for uaktsam kjøring eller promille.
Den bulka bilen blei funnen utanfor Os sentrum.
OPPDATERT:
Politiet har gjennomført førarkortbeslag av bilføraren etter mistanke om kjøring i rusa tilstand.
- Det var ein person involvert i ulykka og det er meldt om skadar på bil, men ingen personskadar, fortel politibetjent Christine Grindstein.
Hendinga blir no etterforska vidare.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.