Stakk frå restaurantrekninga - blei innhenta av politiet

Klokka 17.37 torsdag ettermiddag fekk politiet melding om tre gjestar som hadde stukke frå rekninga på ein restaurant i Os sentrum.

Dei hadde spist og drukke, men betalte ikkje før dei køyrde frå staden.

– Patruljen stoppa bilen og fekk personalia på på dei. Alle tre er menn i 20-åra, fortel konstituert politioverbetjent Thomas Juulseth.

Bilførar er mistenkt for promillekøyring og blei tatt med til legevakt for blodprøvetaking. Det blei tatt beslag i førarkortet.

– Erkjente dei å ha stukke frå rekninga, eller kom dei med ei form for forklaring?

– Det ser ikkje sånn ut, ifølgje loggen var dei lite snakkesalige. Alle tre blir meldt for forholdet.