Stal elsparkesykkel frå jente mens ho var på butikken

Torsdag i 18-19-tida blei ein elsparkesykkel stolen i Os sentrum.

– To jenter var på tur. Mens dei var inne på ein butikk og handla var det nokon som stakk av med sparkesykkelen, fortel lensmann Oddbjørn Dyrdal.

Sparkesykkelen blei funne ikkje så langt frå senrumskjerna.

– Vi har elsparkesykkelen her på lensmannskontoret. Eigar er varsla om at vi har den, og vil få den levert av oss i dag.

Vedkomande som stal denne, var ikkje der då elsparkesykkelen blei funnen.

– Vi er likevel ganske sikre på at vi veit kven det er. Det er gode skildringar på gjerningspersonen, og vi har bilde av han frå fleire overvakingskamera.