Stal penger på nachspiel

Det har vore ei roleg helg for politiet i Os.

– Natt til sundag har det vel vore to oppdrag som kan vera av interesse for allmennheiten.

– Ein person skal ha blitt frastole penger etter å ha hatt nachspiel heime hjå seg.

– Mistanken er vel at gjestene forskynte seg av vedkommande sine penger då dei forlot festen, fortel vakthavande betjent ved Os lensmannskontor.

Blei bortvist

Politiet måtte òg hjelpa vaktene på ein utestad i sentrum med ei kranglete kvinne.

– Ho var berusa og slo seg vrang då ho ikkje slapp inn på utestaden.

– Dei ba om bistand frå politiet om å få vekk kvinna, noko dei fekk.

– Ho fekk pålegg om å forlata staden, noko ho etterkom.

Unge slosskjemper

Natt til laurdag har politiet loggført ei hending.

– I 0330-tida skal det ha vore ein slosskamp og uoverenstemmelse mellom to unge menn ved Essoen.

– Ingen skal ha blitt alvorleg skadd og det heile roa seg då politiet kom til staden.