Staseleg besøk på Øvreeide
Rudolf fekk kvila seg i år òg.
Øvreeide Gard fekk i dag besøk av julenissen, som tradisjon tru ko i helikopter.
– Ungane har ikkje problem med å forstå at Rudolf og dei andre reinsdyra må kvila seg no før julaftan, seier innehavar Tore Øvreeide.
Flyentusiasten starta tradisjonen for ein del år sidan, først på Ulven, no heime, etter at garden hans blei Inn på tunet-gard.
– I dag er det blant anna torsdagsgruppa, ein gjeng barneskuleelevar frå ulike skular, som får ta imot nissen.
I alt var det rundt 40 på garden då nissen kom. Også ordførar Trine Lindborg var med.
Nissen åt graut med ungane i oppvarma partytelt, ordførar fortalte om korleis jula var i hennar barndom.
Så var det utdeling av pakkar før nissen måtte fyka heim igjen til Nordpolen for siste innspurt før jul.
Bildeserie:
