Stenger Søvikåsen grunna skredfare

NVE gjekk laurdag ut med varsel i gult nivå grunna fare for flaum og jordskred i Hordaland.

Det har regna tett i Os sidan 13-tida, og det skal halda fram med store nedbørsmengder fram til midnatt.

– Vi har førebels ikkje fått meldingar om problem grunna nedbør, men stenger Ole Bulls veg over Søvikåsen i 18.30-tida, då denne er rasutsett, seier teknisk vakt i Os kommune.

Vegen blir stengt til faren er over.

– Vi ber samtidig folk sikra trampolinene sine, og å sjekka utandørs drenering, om dei har sluk som plar gå tett. Bakkane er nok metta av vatn no, så det er fare for at vatnet flyter over ulike vegar i Os, køyr forsiktig!

Det er samtidig meldt liten kuling frå vest utover kvelden. Vindstyrken skal halda seg sterk gjennom natta og morgondagen, fram til seint på kvelden søndag.

• Sjå vêrvarsel for Os på VG Pent

Det er meldt regn også måndag, men i mindre mengder. Også vinden skal løya over helga.