Sto ved tursti og onanerte

I 15-tida laurdag 1. januar blei ein mann observert mens han onanerte ved ein av turstiane opp til Høglikampen.

Mannen sto med svart eller mørk jakke, hadde hette over hovudet, og ei turbukse som var lysare, men med noko mørkare farge på knea.

Politiet var på staden med ein patrulje.

– Dei var både i terrenget og på fleire av parkeringsplassane og sjekka kva bilar som sto der, seier politioverbetjent Christine Grindstein.

– Vi har tidlegare registrert krenkande, seksuell åtferd, men ikkje frå dette området.

Politiet ber vedkomande melda seg for forklaring.

Dei ønskjer også tips frå andre turgåarar, om dei har observasjonar som kan vera relevante.