Politi | 10. juni 2023

Stoppa to ferske bilførarar i natt

No er begge halvvegs til førarkortbeslag.

Stoppa to ferske bilførarar i natt
(Ill. foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylaurdag 10. juni 2023 07:39

Rundt midnatt fekk politiet melding om bråk langs Byvegen.

Patruljen rykte ut og kontrollerte ein mann i 20-åra. Det heile viste seg å vera ei misforståing.

Klokka 02 natt til laurdag stoppa politiet to bilar i Hagavik-området.

– Begge hadde køyrd svært fort, opplyser vakthavande ved Bjørnafjorden politistasjon.

Bilførarane, som begge er 18 år og i prøvetid med førarkort, fekk kvar sine fire prikkar på førarkortet og kvar sitt forelegg på 5.400 kroner.

Det er dobbelt opp med prikkar når du er i prøvetid, og du får 4 eller 6 der andre får 2 eller 3 prikkar.

Du mister førarkortet om du får til saman åtte prikkar i løpet av tre år.

Med fire prikkar og framleis prøvetid, må dei to 18-åringane unngå å køyra 11 km/t for fort (eller 16 km/t om fartsgrensa er 70 eller meir) dei neste tre åra om dei vil unngå å bli fotgjengar.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.