Stoppa to ferske bilførarar i natt
No er begge halvvegs til førarkortbeslag.
Rundt midnatt fekk politiet melding om bråk langs Byvegen.
Patruljen rykte ut og kontrollerte ein mann i 20-åra. Det heile viste seg å vera ei misforståing.
Klokka 02 natt til laurdag stoppa politiet to bilar i Hagavik-området.
– Begge hadde køyrd svært fort, opplyser vakthavande ved Bjørnafjorden politistasjon.
Bilførarane, som begge er 18 år og i prøvetid med førarkort, fekk kvar sine fire prikkar på førarkortet og kvar sitt forelegg på 5.400 kroner.
Det er dobbelt opp med prikkar når du er i prøvetid, og du får 4 eller 6 der andre får 2 eller 3 prikkar.
Du mister førarkortet om du får til saman åtte prikkar i løpet av tre år.
Med fire prikkar og framleis prøvetid, må dei to 18-åringane unngå å køyra 11 km/t for fort (eller 16 km/t om fartsgrensa er 70 eller meir) dei neste tre åra om dei vil unngå å bli fotgjengar.
