Storjakt i Strøno

Mannen knuste Samnanger-politibilen med eigen bil før han stakk mot Os. Heller ikkje her let han seg stoppa.

Kjetil Vasby Bruarøymandag 19. okt. 2009 07:30

Politiet kontrollerer all trafikk ut frå Strøno måndag morgon, der patruljar jaktar etter ein som stakk frå politiet fleire gongar i natt.

- Det starta i Samnanger rundt midnatt. Ein mann stakk frå politiet og kjørte mot Os. Våre folk prøvde også å stoppa han, men han tok turen til Strøno, med vår patrulje i hælane, fortel Terje Sperrevik.

I Strøno skal han ha stukke frå bilen og hoppa i sjøen for så å symja over til ei naboøy.

Mannen var mistenkt for forsøk på tjuveri av påhengsmotorar då han stakk frå politiet i Samnanger. Her skal han ha knust inn i politibilen fleire gongar, med det som truleg er ein stolen bil.